كشف محمد تركي وكيل أعمال يانيك فيريرا السابق عن تفاصيل مهمة في كواليس تعاقد المدرب البلجيكي مع نادي الزمالك، مؤكدًا أنه لعب دورا استشاريًا رغم انتهاء العلاقة التعاقدية بينهما منذ أكثر من عام ونصف.
اقرأ أيضا
أول قرار من الزمالك بعد اعتزال شيكابالا.. مفاجأة غير متوقعة
الزمالك يستعد للإعلان عن تعاقد جديد
وقال تركي في تصريحات عبر صفحته الشخصية : "الناس اللي متابعاني من 2022 عارفين إني كنت وكيل يانيك فيريرا، وكنت وقتها بتفاوض مع الأهلي، والمفاوضات كانت وصلت لمرحلة متقدمة جدًا، لكن في الآخر الأهلي اختار التعاقد مع سواريش بدلًا منه."
وأضاف: "من حوالي شهرين، تواصل معايا فيريرا و قالي إن في نادي مصري بيتفاوض معاه، والاسم كان الزمالك، وذكرلي الشخص اللي اتكلم معاه. سألني عن النادي وإدارته، و قولتله بصراحة إن الزمالك نادي كبير وجماهيري، لكنه هيواجه مشكلة في مسألة الرواتب والتدخلات."
وتابع الوكيل:"فيريرا قالي الراتب المعروض، فقولتله إنه ضعيف ولازم يطلب زيادة، ونصحته ياخد مقدم موسم كامل قبل ما يبدأ، ويحط بند في العقد إن الراتب الخاص بالموسم الثاني لازم يستلمه قبل بداية الموسم بـ 5 أيام، ولو ده محصلش يعتبر العقد لاغي."
كما كشف عن نصيحة مهمة بشأن الاستقلال الفني للمدرب، قائلا: "طلبت منه يضيف بند واضح إن أي تدخل في عمله الفني من أي حد في مجلس الإدارة يدي له الحق في فسخ العقد والحصول على كامل مستحقاته عن الموسمين."
واستكمل:"حذرته من بعض اللاعبين الكبار اللي دايما بيعملوا مشاكل في الزمالك، ونصحته يطلب إدراج بند بخصوص الصفقات، لأنه النادي مش دايمًا بيلبّي طلبات المدرب. قلتله لو النادي منفذش 70% من طلباته، يبقى ليه حق يفسخ العقد وياخد قيمته كاملة."
واختتم تصريحاته قائلا:"عرضت عليه نماذج من قضايا سابقة علشان يبقى مستعد ويحافظ على حقوقه، وبالفعل تم تسجيل كل الشروط دي في العقد. بعدها وقع رسميًا مع الزمالك."
التعليقات السابقة