أشاد أحمد فتوح، لاعب الزمالك، بعلاقاته القوية بزملائه في كرة القدم، خاصة رمضان صبحي نجم بيراميدز، مؤكدًا دعمه الدائم له في أصعب الأوقات.
وخلال تصريحاته لقناة «أون سبورت» مع سيف زاهر، قال فتوح: «مبسوط جدًا دلوقتي علشان رمضان صبحي، وكان دايمًا يسأل عليّ وواقف جنبي وقت أزمتي».
وتحدث فتوح أيضًا عن صديقه إمام عاشور، واصفًا إياه بالأخ الدائم: «إمام أخويا وصاحبي، كان في ضهري طول الوقت، وإحنا مع بعض 24 ساعة».
وبالنسبة للشائعات المستمرة حول انتقاله للأهلي، أكد فتوح تمسكه بالزمالك: «طول عمري بسمع كلام إني رايح الأهلي، لكن في النهاية دايمًا بجدد للزمالك».
كما حرص على توجيه رسالة خاصة لشيكابالا، مؤكدًا احترامه الكبير له: «عمري ما زعلت من شيكابالا، ده أخويا وأنا بعشقه، وقالي مش حابب أشوف حد بعدي غيرك». وأضاف: «شيكابالا من أحرف اللاعبين اللي شفتهم، والاحتراف مش سهل، لكنه مش سكتي».
تصريحات فتوح كشفت عن ارتباطه العميق بالزمالك، وأيضًا عن روابط قوية تجمعه بعدد من أبرز نجوم الكرة المصرية سواء داخل أو خارج النادي.
اقرأ أيضا
التعليقات السابقة