أشاد حسام غالي، نجم الأهلي السابق، بالمدير الفني الدنماركي ييس توروب، بعد الأداء المميز الذي ظهر به الفريق أمام سيراميكا كليوباترا في نصف نهائي كأس السوبر المصري، مؤكدًا أن بصمات المدرب بدأت تظهر بوضوح، لكنه وجّه له تحذيرًا قبل مواجهة الزمالك في النهائي، بضرورة الحفاظ على نسق الأداء في الشوط الثاني من المباريات.
وقال غالي في تصريحات عبر قناة "أون سبورت": «الأهلي قدّم مستوى مختلف أمام سيراميكا، شفنا هدوء في الأداء، وتنظيم في الخطوط، والتحركات كانت أوضح خصوصًا في نص الملعب وعلى الأطراف، وده يدل إن فكر توروب بدأ يوصل للاعبين».
وأضاف: «في الفترات اللي فاتت كان في تسرع ومساحات كبيرة بين الخطوط، لكن دلوقتي في جماعية وروح عالية، وكل لاعب بيلعب لمصلحة الفريق مش علشان يثبت نفسه».
وأوضح غالي: «كل ما توروب يستمر أكتر مع الفريق، الأداء هيزيد استقرار وهيظهر الأهلي الحقيقي، وأنا شايف إن عنده فكر واضح ومختلف».
واختتم حديثه قائلًا: «المطلوب دلوقتي إن الأهلي يحافظ على الرتم في الشوط التاني، لأن الفريق بيبدأ بقوة وبيقل الأداء بعد الاستراحة، ومع الفرق الكبيرة ده ممكن يسبب مشكلة، فلازم يكون في تجهيز بدلاء على نفس المستوى علشان الفريق يفضل ثابت لآخر دقيقة».
وحقق الأهلي فوزًا صعبًا على سيراميكا بهدفين مقابل هدف، في اللقاء الذي جمع الفريقين مساء الخميس الماضي، ليضرب موعدًا مع الزمالك في نهائي السوبر المصري، والمقرر إقامته يوم الأحد 9 نوفمبر 2025
اقرأ أيضا
مفاجأة كبرى تنتظر بن شرقي في الأهلي قبل قمة الزمالك .. قرار توروب
التعليقات السابقة