وجّه أحمد حسام "ميدو"، نجم الزمالك السابق والمدير الفني الأسبق للفريق، رسالة خاصة ومؤثرة إلى محمود عبد الرازق شيكابالا، بعد إعلان الأخير اعتزال كرة القدم، مؤكدًا أن "الساحر الأسمر" لم يكن مجرد لاعب، بل حالة استثنائية داخل نادي الزمالك.
وقال ميدو في تصريحات نشرها عبر حسابه الشخصي على منصة إكس:"شيكابالا مش زي أي لاعب عادي، لأنه ببساطة كان إنسان قبل ما يكون لاعب كرة، ربنا أنعم عليه بموهبة فطرية، ومعاها قلب طيب زي معظم أهلنا في أسوان."
اقرأ أيضا
أرقام وبطولات شيكابالا بعد اعتزاله كرة القدم.. مسيرة مميزة
شيكابالا يكشف كواليس اعتزاله.. هل تعرض لضغوط؟
وأضاف: "أعرفه كويس جدًا، راجل وجدع من صغره، وزاملته في الملعب وكان قيمة فنية نادرة في الكرة المصرية، ودربته في الزمالك والإسماعيلي، وكان دايمًا يقدر يقلب أي مباراة بموهبته."
وتابع ميدو: "شيكابالا اتولد وعاش جوه نادي الزمالك، وفضّل يكون أسطورة النادي، على مدار 30 سنة لعب كورة في قطاع الناشئين والفريق الأول، لحد ما بقى كابتن تاريخي."
واستكمل: "رغم إن الظروف ما كانتش دايمًا في صالحه، كان دايمًا بيرجع لبيته الزمالك، شايل الفريق على كتفه في أصعب اللحظات، وقائد حقيقي للأجيال اللي جات بعده."
واختتم رسالته قائلًا: "النهاردة بعد ما قرر يعلق الحذاء، مكانه الطبيعي هو مدرج التالتة يمين، زي ما بدأ من 30 سنة، واسمه لازم يتكتب وسط أساطير الزمالك بحروف من نور، رحلة انتهت، لكن الأسطورة هتفضل."
التعليقات السابقة