حرص حمزة علاء، حارس مرمى الأهلي، على توجيه رسالة وداع لجماهير النادي، وذلك بعد رحيله عن النادي.
ورحل حمزة علاء عن الأهلي مع نهاية الموسم الماضي 2024- 2025، بعد عدم توصله لاتفاق مع النادي على تجديد عقده.
اقرأ أيضا
حمزة علاء يقرر الرحيل عن الأهلي ويُبلغ المسؤولين بقراره
بيراميدز ينتظر عودة يورتشيتش لحسم صفقتي الجزار وحمزة علاء
وكتب علاء، عبر حسابه الرسمي على «إنستجرام»: «أكيد الكلام جاي متأخر، وعشان كده حابب أعتذر. من حوالي شهر أخدت أصعب قرار في حياتي، وهو إني أسيب بيتي بعد 16 سنة من عمري قضيتهم جوه النادي الأهلي.
وأضاف: «قرار الرحيل كان صعب، بس كان لازم أفكر في مستقبلي. يمكن الفرصة مجتش زي ما كنت بتمنى، بس كل حاجة بتحصل بيبقي ربنا سبحانه وتعالى كاتبها و رب الخير لا يأتي إلا بالخير. لجمهور النادي الأهلي العظيم، محبتكم وتقديركم عمرهم ما كانوا مرتبطين بعدد الدقايق اللي لعبتها».
وتابع: «دايمًا كنتوا سند، في كل لحظة، في كل بطولة. حسيت معاكم إني أحسن حارس في العالم و انا بلعب في بطوله افريقيا و الاولمبياد. كل اللي بطلبه، إنكم تفضلوا فاكرين إني كنت واحد منكم، ابن من ابناء النادي الأهلي».
وواصل: «لإدارة النادي بقياده الكابتن محمود الخطيب، شكرًا على كل لحظة حسيت فيها إني جزء من الكيان.. لزمايلي، إنتوا إخواتي وعيلتي اللي عمري ما هنسى أيامها و بتمني ليكم كل التوفيق و النجاح.. ولكل مدرب اتمرنت معاه داخل النادي، شكراً من كل قلبي على كل لحظة دعمتوني فيها أو علمتوني فيها حاجة.. ولكل عامل تشرفت بالشغل معاه، انتم عارفين معزتكم عندي».
واختتم: «ولشعب الاهلي، هفضل دايمًا مشجع للكيان، من قلب التالتة شمال. و يارب أرفع راسكم و اكون عند حسن ظنكم في خطوتي الجاية (واضعًا رمز الطائرة)، و تكونوا دايماً في ضهري وسند ليا زي ما طول عمركم عودتوني.. أشوف وشكم علي خير».
وكان «كورابيا» نشر أن حمزة علاء يقترب من الانضمام لأحد الأندية الأوروبية في الميركاتو الصيفي الجاري.
التعليقات السابقة