شريف إكرامي يعلق على قرار لجنة التظلمات في أزمة مباراة القمة

تاريخ النشر: 16/05/2025
268
منذ يوم
شريف إكرامي

 

علق شريف إكرامي حارس مرمي نادي بيراميدز، على قرار لجنة التظلمات بعدم خصم 3 نقاط من الأهلي في أزمة مباراة القمة 130.

اقرأ أيضا

شريف إكرامي يفتح النار على نجوم الأهلي والزمالك .. أزمة التصريحات المثيرة تشتعل

فيديو.. خناقة بين شريف إكرامي ومصطفى فتحي

وكتب إكرامي عبر حسابه على منصة "إكس":"‏قرار لا يحتاج خبير ليكشف عواره، ولا اللائحة محتاجة متخصص علشان يوضح ثغراتها،.المشهد مكشوف والتجميل ما بقاش ينفع..

ارتعاش اللوائح و تفصيل القرارات اصبح جزء أصيل من ثقافة المنظومة و سبب اساسي في تدهورها".

و أضاف:"عشان نقدر نبني منظومة تحترم نفسها و تتطور،ثبات القرار و استقلالية القواعد من اي عوامل خارجيه هو حجر الأساس".

واوضح:"وسط الارتباك ده، بيظهر نوع تاني من الخطر،بيظهر ناس بتقبل الظلم والتدليس لما يكون في مصلحتها وبتجتهد في اختراع مبررات عشان تمحي بيها شعورها بالذنب، وده للأسف بيكشف التناقض بين قيّمهم وأفعالهم،بس التبرير عمره ما بيمحي الحقيقة بالعكس ساعات بيعرّيها أكتر خصوصًا لما نكون قدام حالة تدليس واعي ومتعمد، وده أخطر من الكذب، لأنه بيغّلف الباطل بقناع المنطق و يوهمك ان الغلط صح".

وتابع:"كالعادة، هيتحول الجدل من مناقشة قرار مشوّه لتبادل اتهامات، وتخوين، وتشويه كل صوت مختلف، وكأن المشكلة مش في القرار، لكن في اللي بينتقده".

وواصل:"عموماً الكورة زيها زي الدنيا،قيم الناس الحقيقية بتبان فيها وقت الاختبار".

واختتم:"في النهايه كامل احترامي لكل من اختار ضميره قبل انتمائه لان الحق ما بقاش بيتقال مش عشان الناس نسيته، بس عشان بقوا خايفين يدفعوا تمنه".

حمل تطبيق كورابيا الآن

التعليقات
التعليقات السابقة

اشترك فى القائمة البريدية

احصل على مواعيد المباريات والأخبار الأكثر قراءة يوميا