علق أحمد حسام ميدو نجم منتخب مصر والزمالك السابق، عل. خسارة منتخب مصر للشباب أمام المغرب، في نصف نهائي بطولة أمم إفريقيا للشباب المقامة في مصر.
وكتب ميدو عبر حسابه على منصة "إكس":"أداء منتخب مصر للشباب أداء حزين خلال بطولة كأس الامم الأفريقية وهو نتاج طبيعي لإهمال المسؤولين عن كرة القدم في مصر عن أساس كرة القدم الملاعب الجيدة وتسليح المدربين بعلم التدريب الحديث أضف إلى ذلك المجاملات في اختيار المدربين واللاعبين على حساب لاعبين ومدربين أفضل ومعظم الإعلاميين يجاملوا المنظومة بالكامل لوجود مصالح متبادلة بينهم!!".
اقرأ أيضا
مدرب المغرب للشباب: نحترم منتخب مصر.. والواقعية سلاحنا في المباراة
تشكيل منتخب مصر للشباب المتوقع لمواجهة المغرب بأمم أفريقيا.. شريف وزعلوك في الهجوم
وأضاف ميدو:"وصلنا إلى الحضيض والقاع في كرة القدم..خسارة بلد عندها كل الإمكانيات انها يكون عندها على الاقل ٧٠ او ٨٠ لاعب يلعبوا في أوروبا ولكن التفكير العقيم وعدم وجود أي تخطيط وصلنا لما وصلنا اليه!! ولسه".
وتابع:"احلى حاجه ان بعض الإعلاميين والمسؤولين بيعتبوا على الجمهور ليه مابيروحوش ماتشات المنتخبات فاكرين الجمهور عبيط ومش دريان بكم الفساد والمجاملات اللي موجود في الكورة في مصر".
وواصل:" اللي انتوا ماتعرفهوش ان عندنا جيل جديد بالكامل غير مهتم بمتابعة الدوري المصري من الاساس ومابيتفرجش عليه ولا مهتم بأخباره ولا يعرف اسامي اللاعيبة اللي بتلعب في المنتخب من الاساس إلا اتنين او ثلاث لاعيبه".
وأوضح:"نظام ادارة كرة القدم في مصر عين عيال ملطوطه في مناصب مهمة غير مؤهلين علشان تعرف تتحكم فيهم وفي قراراتهم علشان تعرف تجامل اللي انت عايزه والنتيجه دوري فاشل ومن سئ ألى أسوأ ومنتخبات ضعيفة مافيهاش ولا لاعيب هيكمل ويلعب منتخب أول ومدربين مالهومش اي علاقة بعلم التدريب الحديث وجمهور معظمه مشحون في أتوبيسات تبع أحزاب سياسيه وإعلاميين بيطبلوا للاعيبه بعينهم علشان ولاد ناس مهمين وكورة بصراحة معفنه مالهاش اي علاقة بالكورة اللي بنتفرج عليها في كل حته في العالم".
التعليقات السابقة