مصطفى شوبير يدافع عن والده في أزمة أحمد رفعت

تاريخ النشر: 07/07/2024
160
منذ أسبوع
مصطفى شوبير

رد مصطفى شوبير حارس مرمي النادي الأهلي، على الاتهامات الموجة لوالده أحمد شوبير في أزمة أحمد رفعت.

وكتب شوبير حسابه الرسمي على الانستجرام :"اتهامات اتهامات وخوض في ذمم بدون علم ولا أي دليل انتو مفرقتوش عن اللي ظلم رفعت في حاجة ودلوقتي بتتهموا ناس ظلم بأذى شخص بدون أي دليل حتى دي عايزينها اهلي وزمالك وتريند أخو اللاعب طلع وقال اسألوا فلان وذکر اسم شخص".

اقرأ أيضا

حسم مصير إبراهيم عادل من المشاركة أمام الأهلي .. قرار مفاجئ

موقف مبابي من المشاركة أمام إسبانيا بنصف نهائي يورو 2024

وأضاف :"وكيله كان قاعد وحصلت مواجهة بينه وبين الشخص اللي تم ذكر اسمه فين بقى اسم احمد شوبير في جملة مفيده؟ ولا أخو رفعت ولا وكيله ولا المحامي بتاعه قال حاجة أو ذكر اسمه حتى زي ما المفبركين بيكتبوا التريند عمى الناس والاتهامات الباطلة أي حد بيكتب أي حاجة الناس للأسف بتصدقها وخلاص وياريت الناس اللي بتكتب ده درس لينا تبدأ بنفسها الأول ومتظلمش حد تاني باتهامات باطلة بدون أي دليل لأن كده أنت أول واحد متعلمش من اللي حصل وبتعيد الظلم بس بطريقة تانية استقيموا يرحمكم الله".

واختتم : "وسيبكم من التريند كلنا لله راجعون.. أخيرا ربنا يرحمك يا رفعت أكيد أنت في مكان أحسن لا تنسوه من صالح دعائكم".